囍宴

营业中

休息中

今次见佢社交平台推出羊腩煲，另外可以用优惠价钱加配其他嘢食，即刻book枱约埋三个兄弟再去试食，古法羊腩煲肥瘦适中食番以前嘅味道，但系出到嚟有少少未够淋要再炆多十几分钟扣咗少少分，送𠮶碟唐生菜洗得好干净，酥炸桶蚝保持到水准，腊味糯米饭软硬适中值得推介，当日经理推介有新鲜花甲即刻嗌咗个豉椒炒花甲，十分鲜甜，再叫咗两个特价小食双拼海蜇熏蹄同埋青瓜云耳，份量十分足，味道亦好好，食完未够饱再叫多两碟特价肥牛9.9 一碟喺煲羊腩汁到渌，肥牛都有六片大大片肥瘦适中，希望呢间酒楼可以保持住呢个水准同质素。顺带一提佢哋啲楼面服务态度真系好好，当日见到坐喺隔离有个阿姨坐轮椅，问啲楼面有冇伤残厕所，有个著黑衫嘅女部长立即推佢去酒楼里面嘅伤残厕所，觉得𠮶个女员工好体贴又窝心，酒楼里面地方又干净，下次有机会带埋阿爸阿妈一齐落去试下饮茶食点心。