美心.翠園 (已結業)

喺机场想食中菜，除左行远小小去富豪酒店嘅红轩，仲有一号客运大楼嘅翠园。入到黎叫左个SET，两个点心加一碟炒粉面。另外再加一个食肉兽不能错过嘅脆皮牛坑腩。肉松鸳鸯米 - 鸳鸯米系指米粉加粉丝，肉松我又唔系好觉食得到，咸咸地，无咩镬气，叫鸳鸯炒饭无咁嬲。炸春卷  - 细细个已经最钟意食包肉嘅潮式春卷，记忆中系观塘工业中心嘅一间潮州酒家最好食，不过已经执左好多年，食唔返。讲返呢一个春卷，热上，所以都好够香口，入面嘅料足略为唔够味。整体不错。脆皮牛坑腩 - 食肉兽无得输之选 ，已经喺呢间食过几次。不过今次呢个唔够肥美，脂肪比较小，所以有几旧咬落去有d干。潮州粉果 - 平时叫粉果得三旧，佢俾够四旧你！不过都足料，但系个皮唔知点解好易穿，一夹就散。