韓牛韓式燒烤 (已結業)

旺角放题选择好多，但往往唔知点拣好，今次就拣咗间位置方便又抵食嘅试吓。虽然系平日星期三，但我哋去到都爆咗场，好彩唔系等左好耐就入得。呢间野都算好多嘢食拣，首先韩式烧料方面，基本嘅猪牛鸡鱼样样齐，仲有好多菜类拣，最正系佢哋有提供生菜比我哋包肉食，减低油腻感。个人最钟意佢哋嘅牛仔骨，肥瘦适中，而且腌得好够味又不失牛味，最紧要系平时买牛仔骨食真系好贵，依度任食真系抵！仲有样好正嘅就系沙白，好够鲜味之余仲要无沙，虽然唔会好似花甲咁咁厚肉，但系任食仲要咁新鲜，只只都开到口又无沙，真系好抵食！热食方面都有几种选择，炸物质素都唔错，因为主要系烧嘢食，所以都无试太多。海鲜吧啲海鲜都好够份量，而且refill得好快，虽然个人唔好海鲜，但试咗几样都几正，都系回本之选！食饱饱就到甜品，真系好多选择，又有朱古力喷泉，水果，雪糕，中式糖水糕点，同竟然有以前_ _乐园成日卖嘅棉花糖！咁多样入面其实我最爱个开心果味雪糕，出面都好少见好特别，正！最后提埋佢真系好多嘢饮拣，啤酒都有几款，不过大家要回本就唔好饮太多啦！🤣