牛極 (雅怡居)

营业中

休息中

最近深水埗某间铁板牛好多人排队，一直都想试吓，咁啱经过呢间「牛极」都有得食，就入去试下。一入门口就有部自动贩卖机，睇啱食乜就买飞交俾店员就OK。唔驶怕唔识买，因为店员会好贴心喺隔离教你买。今次同朋友各自嗌咗一份牛，一份80g嘅牛肩肉眼同一份100g嘅牛肋骨排。牛肩肉眼朋友嘅牛肩肉眼比较重肉味，可能朋友煎得太耐，肉质比较鞋，同超级市场买返嚟嘅分别不大，不过尚算几厚肉。牛肋骨排我叫嘅牛肋骨排肉味不重，但肉质较为滑，食落去油脂味道都几重，啱哂我呢啲钟意食重口味嘅人。另外店内有沙律、白饭、日式牛肉汤任装。虽然任装，但质素都唔差。沙律分别有柚子汁同胡麻酱，啱晒唔同人口味。白饭旁边有紫菜粉，用嚟送饭一流，因为呢啲紫菜粉我足足食咗三碗饭。