麻浦元祖 (已結業)

前几日约咗个大食嘅朋友去咗食烧肉嘅放题，佢本身系一个食肉兽嚟嘅，佢咩肉佢都食嘅，所以我就带佢食韩烧嘅烧肉放题。韩国餐厅都会送上呢啲配菜，我本身唔系太食得辣所以泡菜唔系太钟意食，但系紫菜佢就整得好好食。终于到咗食烧肉啦，差唔多所有肉我哋都叫晒，净系食肉，呢个就系牛五花啦，本身比较薄所以好快熟，虽然好薄，但系都食到嘅牛肉味。呢个就系牛仔骨啦，系我哋食得最多野嘅，因为佢嘅酱汁实在太好食，味道甜甜地可以带出牛肉嘅香味，充满晒肉汁。