肉肉強食 by 鋒膳 (已結業)

今日去完长沙湾做嘢就超级肚饿，就想揾吓附近有咩大件夹抵食嘅嘢食，揾到呢间叫肉肉强食，个名觉得好搞笑好得意。入到去原来类似旧式扒房铁板上个种，叫咗两款牛扒，牛柳同西冷，牛扒有得拣五成或者七成熟。呢度有另一样野出名，吉列猪柳，先$20咋，所以好贪心地叫埋佢啰，香口好味。另外仲叫咗个手打牛肉汉堡包同朋友分享，个汉堡超厚身，啖啖肉。加18蚊，仲有餐包汤薯菜同埋甜品同埋饮品，完全抵到烂，今餐超抵食之外仲超级饱肚因为份量好大份。餐汤有红白两款汤俾你拣，甜品就有啫喱或者雪糕，餐包上枱嘅时候仲暖嘅，有牛油俾你查。性价比好高嘅一餐。