影片
更多
2020-09-22
259 浏览
星期五放工孖住个食肉兽朋友去食肉，最钟意发掘附近新餐厅嘅我，就决定去试呢间叫做「肉肉强食」嘅餐厅，个名有啲搞笑🤣。其实一睇餐牌就知佢系港式扒房嚟，价钱仲好大众化添😊。餐厅嘅位置处于长沙湾同深水埗嘅交界，佢装修同上手差唔多，下层系入口，而上层先系座位。面积都几大，其中有一排卡位系窗边位，虽然系望街景🌃，但感觉开扬。由于食物真系好平，我哋嗌到痴咗线🙈，又唔知原来食物系咁大份...，差啲食唔哂。罗宋汤同忌廉汤，我哋其中一份扒加咗$18要餐就有汤，而焗餐就送埋添。前者味道偏酸🍅，放工好攰都醒番，不过几多料。后者味道正常，熟悉的味道，有唔少粟米蓉🌽。牛油餐包一个，颇为松软🥯，但唔算特别香。吉列猪扒($20)，我嚟试依间餐厅嘅其中一个原因系因为佢卖紧廿蚊一份吉猪，你无眼花，系二十元正！吉猪每日50份限量供应，不过好彩我哋都食到😃。原来🐷吉列猪扒都系以铁板上，斋讲份量已经赢哂，因为系有两大片，虽然就并非厚切。我哋拣咗蒜蓉汁，味道少咸，但就取代咗传统配炸物嘅沙律酱，始终炸物外皮够脆就避免唔到会有啲干身。至于猪扒味道同肉质唔错，食得出无用松肉粉，餐厅仲强调猪柳系用上宫崎快乐猪制成！铁板牛柳($128)，
星期五放工孖住个食肉兽朋友去食肉，最钟意发掘附近新餐厅嘅我，就决定去试呢间叫做「肉肉强食」嘅餐厅，个名有啲搞笑🤣。
其实一睇餐牌就知佢系港式扒房嚟，价钱仲好大众化添😊。
餐厅嘅位置处于长沙湾同深水埗嘅交界，佢装修同上手差唔多，下层系入口，而上层先系座位。面积都几大，其中有一排卡位系窗边位，虽然系望街景🌃，但感觉开扬。
由于食物真系好平，我哋嗌到痴咗线🙈，又唔知原来食物系咁大份...，差啲食唔哂。
罗宋汤同忌廉汤，我哋其中一份扒加咗$18要餐就有汤，而焗餐就送埋添。前者味道偏酸🍅，放工好攰都醒番，不过几多料。后者味道正常，熟悉的味道，有唔少粟米蓉🌽。
牛油餐包一个，颇为松软🥯，但唔算特别香。
吉列猪扒
$20
10 浏览
0 赞好
0 留言
原来🐷吉列猪扒都系以铁板上，斋讲份量已经赢哂，因为系有两大片，虽然就并非厚切。我哋拣咗蒜蓉汁，味道少咸，但就取代咗传统配炸物嘅沙律酱，始终炸物外皮够脆就避免唔到会有啲干身。至于猪扒味道同肉质唔错，食得出无用松肉粉，餐厅仲强调猪柳系用上宫崎快乐猪制成！
铁板牛柳
$128
14 浏览
0 赞好
0 留言
牛柳🥩我哋要咗七成熟，生熟度拿捏得啱啱好，有少少粉红色。肉质唔韧兼且肉味浓，港式扒房嚟讲算好高质！题外话，嗌铁板餐姐姐会帮我哋倒汁，听见啲咋咋声就觉得经典。
手打牛肉芝士汉堡包
$48
5 浏览
0 赞好
0 留言
手打牛肉汉堡有成6安士重以及1吋厚，超夸张，真心我拎上手都觉得坠手😂。汉堡扒以唔同部位嘅牛肉搅碎而成，并加入咗洋葱粒提升味道，牛味明显兼且多汁，但略嫌块汉堡唔够结实。面包亦同平日食开嘅唔同，因为有稍为烤香过，连埋生菜、蕃茄同洋葱食，好夹。
卡邦尼海鲜焗天使面
$68
18 浏览
0 赞好
0 留言
芝士焗西兰花
$28
7 浏览
0 赞好
0 留言
饮品方面，我哋要咗冻奶茶同冻杂果宾治，冻饮要加$5🥤。
最后，甜品就系尾声，我哋要咗一个花奶啫喱同朱古力雪糕🍨，前者真系好有港式风情。
话明系港式西餐，点少得张红白格仔枱布呢😜？
主餐牌都咁平，午餐直头系时光倒流价，每日有几款拣，最平低至$35！我平日都可以行嚟食下啵👍。
总括嚟讲，餐厅可以称得上系抵食夹大件嘅代表，无肉不欢者定必爱上🍗。味道当然唔可以拎嚟同五星酒店扒房比，但如果喺同界别竞争入面，佢喺味道、价钱、环境同服务方面都会稍作优胜。
张贴
