犇 (已結業)

同一班食肉兽朋友又出动喇，Lunch好豪气咁去咗呢一间餐厅食牛扒！见到呢一间餐厅个名有三个牛字，梗系要试吓啲牛啦。Lunch set 大约要130HKD 一个人，其实lunch来讲系偏贵，但系食牛扒来讲系偏抵。我同朋友分别叫咗肉眼扒意粉，同埋肉眼扒薯条。当然啦佢咁样嘅价钱，我梗系唔会攞啲几百蚊嘅牛扒同佢比，以咁嘅价钱来讲，虽然牛肉始终不是高价嘅牛肉，但系牛味浓。而我叫咗意粉，我略嫌意粉嘅汁唔够多，因为牛肉偏干，所以其实系食到有啲干。至于我朋友嘅薯条，真系抵赞，薯条上面布满左调味料， 有少少似麦记嘅shake shake薯条, 劲香口惹味！呢个餐系可以配一杯野饮，好普通嘅橙汁佢都有提供。但我拣咗佢嘅红菜头汁，贪佢特别呀嘛！红菜头系抗氧化㗎！女仔必饮！我朋友好怕红彩头嘅腥味，带佢对呢一杯野一啲都唔抗拒，所以大家都可以试吓因为我自己个人认为系几好味，仲有少少似利宾纳添。