韓牛韓式燒烤 (已結業)

一上到去，见到环境都几企理，感觉唔错。韩牛食物种类非常多，除咗用嚟烧烤嘅食物，熟食、刺身、甜品都有，真系冇可能每样食物都食！一开始梗系先食啲冻海鲜同三文鱼刺身啦！ 冻虾都唔错㗎，大大只！跟住攞罐饮品先，天气咁热！饮品选择超多，啤酒都有得任饮！烧烤嘅肉类选择好多，你谂得出嘅都有！！牛舌、鸡肾、大虾都系必食推介！鱼柳都几好食，落咗啲香草调味，不过就比较容易黐底。店员好乐意换烧烤板，唔使担心～五花腩都好正，烧完卷啲生菜好好味！食到九成饱就开始食甜品！仲有朱古力喷泉同自己整棉花糖～所以一定要留肚食甜品