牛繁 (MW Plaza) (已結業)

以前系日本食过炭炉既牛繁，而家香港都开左，就紧系要去试一试喇。地点系尖沙咀，又方便，同朋友聚下倾下计既好地方。铺头环境都好舒服，地方大，唔会坐得好逼，有晒抽风设备，烧完唔会成日韩烧味道，仲有locker可以放衫同袋，谂得好周到。重点就当然系食物喇，叫咗几款牛同一款猪，每样都好好味。元气牛五花呢个系牛繁推荐菜，比其他肉厚切一d，食起会更有口感，啖啖肉汁，绝对推介。特选猪五花虽然几多肥膏，但唔会觉得好油腻，反而佢个柚子味好出，食落好清新。葱烧盐香牛舌牛舌上面既汁，烧完其实唔系好食到咩味，但胜在佢够爽口，好有口感，已经好有味道，唔洗理个d汁。壶溃牛肋条呢个上碟已经够特别，成个壶入面仲伴著d三色椒，唔系普通一个碟，而且好入味，成条咁上，超有口感。上级和牛里脊肉不过不失喇，味道唔差，唔算好特别。雾岛温泉蛋饭食肉仲未够饱，叫多个饭填下肚，个温泉蛋煮得啱啱好，成个饭超好味。柠檬梳打食韩烧一定要配d有气饮品先舒服解渴，而且佢酸酸地好开胃。