牛太郎 (已結業)

-🔸澳洲肉眼 300g $140🔸牛肩脊肉 300g $155-有次行经过见到呢间石烧牛好似几吸引，今日终于去咗试喇。餐厅地方非常阔落，坐得几舒服。餐厅提供四款唔同嘅牛肉，我哋今次就拣咗牛肩脊同澳洲肉眼。上枱见到两件牛肉都非常靓仔，而且好厚切，餐厅预先会煎好一成熟，然后再自己烧成想要嘅熟度。澳洲肉眼嘅油脂比较丰富，所以食落口会充满牛肉嘅油香，质感非常软稔。而牛肩脊嘅肉质就较结实同少筋，牛味较重，我个人就比较钟意牛肩脊喇。除咗牛肉之外，仲提供自助沙律吧、味噌汤同白饭任装，仲有围裙避免弹油，非常贴心呢！