響日本燒肉 (已結業)

呢间Hibiki有两间分店，今日去铜锣湾𠮶间，地点好方便。入到去装修好日式，有卡位坐，坐得十分舒服。佢120分钟烧肉套餐有分4个levels,价钱亦会有分平日／周末同早鸟时段。今日我地星期五早鸟时段去，叫左个中等价钱既［78款美国。澳洲和牛套餐］（$428加一per head)。👍🏻一坐低佢就放低左个12格烧肉拼盘同海鲜拼盘！劲靓劲开心兴奋！佢每格烧肉都有个名牌，好清楚，唔会唔知自己食紧咩😁。另外佢刺身盘都拼到好靓，附送一人一只生蚝。佢个套餐都可以任叫四款刺身同6款寿司。👍🏻电子QRcode落单，冇漏单错单情况。👍🏻点嘢食仲有得一旧一旧咁叫，例如一块牛舌，一旧南瓜天妇罗。劲好，唔会咁易食唔哂。👍🏻好多嘢饮选择，仲有花茶饮。中意饮酒既朋友仲正，加$48就有得任饮六款酒！红酒白酒啤洒梅子酒！任饮sake!好易回本！👍🏻有任食movepick杯装雪糕🤤👍🏻肉既总类有几十款咁多！！👍🏻有大烟通吸油烟，烧完肉个身一啲都无味！✏️总括黎讲，大班人日本烧肉放题既好去处。😁