斗滾 (適安大廈)

营业中

休息中

食肉兽福音，惹味鸡煲任你食～～～最近屋企装修，为咗悭钱我同大嚿决定自己做自己的装修佬😁。今日系Day 1，铲灰铲咗一日已经令我哋攰到投降。夜晚即刻去揾返间放题食一食。～～～我哋嚟咗屋企附近嘅呢一间放题火锅，佢哋有得先食鸡煲之后再打边炉，完全可以满足晒我哋两个咁攰嘅人。～～～首先上嘅系鸡煲，大大兜鸡煲非常惹味，鸡肉滑溜，可以无限次添加，简直系大胃王嘅福音。😆～～～食完鸡煲之后就可以换汤打边炉，我哋就叫咗养生汤，养生汤入边又有原只靓鸡，食完鸡饮完汤之后，就可以正式开始我哋嘅打边炉。养生汤非常浓郁，而且饮落去感觉冇味精，用嚟打边炉好健康。🥢～～～养生汤饮完之后我哋嘅海鲜盘就嚟啦，海鲜盘里面有多种海鲜，当中我就最钟意非常弹牙嘅鲍鱼，而其他海鲜几新鲜。～～～肉类方面佢哋嘅猪肉牛肉都几出色，但我就更加钟意佢哋嘅牛肉，牛味好重，而且肥瘦均匀。～～～除咗呢啲佢哋送上嘅材料之外，喺出面嘅自助区仲，有大量嘅食材可以比大家自己攞，自助区里面我最钟意嘅就系我心爱嘅辛辣面，加一包辛辣面落养生汤底成件事健康又美味，仲有佢哋自家制嘅手打墨鱼滑里面真系有粒粒墨鱼，非常新鲜弹牙。🦑～～～整体来讲服务员态度都好好，里面仲