牛涮鍋 (已搬遷) 新店位置

朋友想吃打边炉，加上佢又系呢间既会员，我地夹到日期就book位，因为呢间出名多人要排队任饮任食90分钟，我地就拣左最平果个餐，美国牛肉，豚肉同鸡脾肉同其他配菜可以任食，肉类既分量都几多，我地3个人都系叫左2次就收手啦…肉类好新鲜同好肥，切得好薄，渌几下就好快熟，最啱我呢d食肉兽~牛肉d纹好靓，而且无乜血水又唔系冻冰冰，豚肉同牛肉都唔会痴住晒，一片片好易夹反而鸡脾肉我觉得一般，可以唔吃…汤底方面就叫左昆布汤拼猪骨汤，昆布汤就清清地，猪骨就重口味＼(^o^)／昆布汤就最啱渌d蔬菜类，如粟米，菜，瓜等…猪骨汤就啱渌肉类，丸类等…出面个自助食物吧都好多元化，有特别既丸类，三文鱼丸，鳕鱼丸同芝心丸，菇类有金菇，鸡脾菇同冬菇，菜又有几种选择，多到食唔晒…饮品吧除左汔水类，仲有果汁汔水可以DIY配，苹果沟提子沟雪碧等，包你钟意~食完正餐最后当然要吃甜品啦，当日甜品有香蕉朱古力蛋糕，泡芙及自助乳酪雪糕蛋糕细细件，泡芙又多忌廉，乳酪雪糕有原味，杂莓味同双并，加上有8款配料，正！