Bella Shine (已結業)

Bella Shine放工继续食食食，今日同朋友去咗一间任食自助餐，因为牛扒都系任食，所以听到就俾佢吸引咗。去到睇真啲原来除咗牛扒之外，仲有猪扒、鸡扒、羊扒、海鲜等等，款式都唔少，仲有movenpick雪糕，雪糕食多几杯都抵返晒。味道肉质方面：因为本身比较喜欢食牛扒，虽然都叫咗其他扒去品尝，味道亦都唔错而且肉质嫩滑，但我叫得最多都系牛扒，我自己就已经食咗4块牛扒，牛嘅肉味都几好。印象中同朋友一齐食左十几块扒给几十只虾，朋友仲食得落叫埋一点意粉，佢话意粉都唔错。喺最后阶段仲食咗几杯雪糕，正！