吞POT 雞煲火鍋.住家菜

营业中

休息中

最近觉得身体好似有D潺,好易伤风感冒，于是就约埋朋友出旺角去食下药膳鸡煲补反下先，我地行到去旺角与太子交界附近时，见有栋大厦有好多餐厅系里面，其中有间食鸡煲都听过下几有名的，一进入lift 内，每间餐厅位处的楼层都很清晰显示于lift内，到达23/F 门一开，眼睛望到的是一缸大大的深海鱼，色彩鲜艳非常吸引人投注目礼，其中有条很大又黑又有斑点的魔鬼鱼，牠不是平时我们所见到啡黑色的那种魔鬼鱼，我差点以为那是玩具鱼。店员带我们埋位坐低后，我们开始睇餐牌，单系鸡煲既款式都有成7种，当然我紧系会选择叫花雕药膳鸡煲啦，朋友仲话想食下些小食菜，于是我地拣左个比较健康的吞pot招牌沙律。隔左一阵，店员拿著鸡煲黎帮我们起火，店员提醒我们说现在巳可以即食，跟著招牌沙律也送到，当中有苹果条、生菜、蟹柳丝、蟹籽加上麻酱，食落清甜美味，唔会太流。食完沙律，我们便开始进食鸡煲，药材味好香，而汤内会见到有北芪、当芯、纪子、红枣和准山等药材，我地二人唔系好大食，所以只系叫左半只鸡，鸡肉都好入味，我地一直煲住食，所以肉质唔会话太嫩滑，我俩食完仲饮哂煲内的所有汤，一滴都唔浪费。