影片
更多
2018-01-06
237 浏览
原本想食隔离嘅新森林，路经呢间铺头，印象中应该新开无耐，驻足门前睇咗一阵menu，觉得价钱合理，于是同男朋友一齐试下！原来日藉老板已经系店内用殷切既眼神等待我地光临，但唔会走出门口招揽客人，呢个真系典型日本做生意既style~👍入到去铺头地方阔落，7点半大概一半满客，仲有一枱日本男人吹水饮啤酒🍻，店内目测有位大姐讲中文，其他staff都似系日本人，感觉似去到一间日本居酒屋咁。。。一坐低就有叔叔递上menu同暖水(去开京都就知日本无论几冻都只会俾冰水客人，可能要迎合香港市场挂，加上琴晚落住雨真系冻)，我落order时都不自觉用日文😂果位staff又真系听得明啵！之后出单再用唔咸淡广东话复述order一次添，劲！好啦，讲左咁耐，终于上菜啦！我叫左2号豚骨酱油拉面加$8有粟米走青！望落已经觉得同京都拉面小路其中一间有d似，汤底好浓郁唔会太油腻，每条面都吸满猪骨汤既精华~如果面身再硬d就更好(平时食开超硬面)😗叉烧肥瘦均匀，厚薄适中，唔会好嚡~而男朋友就叫左1号太郎拉面加$20有3件炸鸡！炸鸡系新鲜炸后上，所以无影相🙈呢款就淡味d，汤底无酱油味咁浓，但不失鲜味~叉烧同拉面应该系一样，只系无浓汤
原来日藉老板已经系店内用殷切既眼神等待我地光临，但唔会走出门口招揽客人，呢个真系典型日本做生意既style~👍
入到去铺头地方阔落，7点半大概一半满客，仲有一枱日本男人吹水饮啤酒🍻，店内目测有位大姐讲中文，其他staff都似系日本人，感觉似去到一间日本居酒屋咁。。。
一坐低就有叔叔递上menu同暖水(去开京都就知日本无论几冻都只会俾冰水客人，可能要迎合香港市场挂，加上琴晚落住雨真系冻)，我落order时都不自觉用日文😂果位staff又真系听得明啵！之后出单再用唔咸淡广东话复述order一次添，劲！
好啦，讲左咁耐，终于上菜啦！
我叫左2号豚骨酱油拉面加$8有粟米走青！
望落已经觉得同京都拉面小路其中一间有d似，汤底好浓郁唔会太油腻，每条面都吸满猪骨汤既精华~如果面身再硬d就更好(平时食开超硬面)😗叉烧肥瘦均匀，厚薄适中，唔会好嚡~
豚骨酱油拉面
$73
18 浏览
0 赞好
0 留言
而男朋友就叫左1号太郎拉面加$20有3件炸鸡！炸鸡系新鲜炸后上，所以无影相🙈
呢款就淡味d，汤底无酱油味咁浓，但不失鲜味~叉烧同拉面应该系一样，只系无浓汤浸住，回复本身既味道！重点系半熟蛋！！同我系日本食过既一模一样咁入味！！仲有炸鸡都好值得推介，皮薄脆肉嫩多汁，一咬落去热辣辣咇汁，食既时候小心辣亲！
太朗拉面
$72
25 浏览
0 赞好
0 留言
其实可以加钱有多d配料，$20有3件炸鸡或牛肉；$16有半熟蛋；$8有粟米，北海道牛油等，另外仲有牛肉丼同豚肉丼(用上日本鱼沼产米)，生啤$38，价钱合理~
一路坐见到越黎越多客人，都唔好意思霸住张4人枱！埋单时老板送左张$10 现金卷下次用，仲有日本式90度鞠躬送客添！！！
张贴
