影片
更多
2024-09-11
2147 浏览
自從轉左工之後，已經有幾年無嚟過葵廣。難得屋企人有興趣去葵廣掃街，咁我就順道叫佢地陪我試埋呢間評價唔錯嘅餃子店🤓。星期一下午2點半嚟到，首先點左一隻雙併煎餃，等到3點再點個下午茶餐。本身想試芹菜餃，可惜當日無供應，所以煎餃揀左芫茜拼沙葛$49。等左7分鐘左右，熱辣辣嘅煎餃就上枱~~🤤呢度嘅餃子睇得出係即包即煎，所以餃皮無完全痴實；扁扁嘅餃子，兩邊煎到金黃香脆，由於餃皮無痴實，所以唔會有爆汁嘅效果，食落唔會有水潤感。肉餡中嘅菜比例較高，所以食落肉味唔濃；芫茜味香，調味亦較輕手，如果係湯餃嘅話，感覺會好健康。第一次見甘筍沙葛做餡嘅餃子，顏色好討好，食落微甜，但沙葛切得太細粒，無乜存在感，不過整體唔差，可以試。煎餃加醋，增添風味亦解膩😋。下午茶湯餃五隻+凍豆漿$33豆漿好特別，同平時超市嘅質感、味道完全唔一樣。佢個質地好似加左米漿，輕微少少杰嘅口感；味道似豆花味，甜度偏低，幾好飲。粟米湯餃明顯比煎餃大隻、飽滿、脹身，餃皮厚薄適中，黃色粟米粒若隱若現🙊粟米好多又爽口，加埋佢個脆辣菜脯，好好味。個魚湯都好正，飲落好舒服，又唔鹹，雖然係生魚湯，但唔會好腥，怕腥嘅屋企人都飲得到。原來十隻餃子中，有一
星期一下午2點半嚟到，首先點左一隻雙併煎餃，等到3點再點個下午茶餐。
本身想試芹菜餃，可惜當日無供應，所以煎餃揀左芫茜拼沙葛$49。
雙併煎餃十隻
$49
233 浏览
0 赞好
0 留言
等左7分鐘左右，熱辣辣嘅煎餃就上枱~~🤤呢度嘅餃子睇得出係即包即煎，所以餃皮無完全痴實；
扁扁嘅餃子，兩邊煎到金黃香脆，由於餃皮無痴實，所以唔會有爆汁嘅效果，食落唔會有水潤感。
上沙葛餃，下芫茜餃
78 浏览
0 赞好
0 留言
肉餡中嘅菜比例較高，所以食落肉味唔濃；芫茜味香，調味亦較輕手，如果係湯餃嘅話，感覺會好健康。
第一次見甘筍沙葛做餡嘅餃子，顏色好討好，食落微甜，但沙葛切得太細粒，無乜存在感，不過整體唔差，可以試。
煎餃加醋，增添風味亦解膩😋。
下午茶湯餃五隻+凍豆漿$33
豆漿好特別，同平時超市嘅質感、味道完全唔一樣。佢個質地好似加左米漿，輕微少少杰嘅口感；味道似豆花味，甜度偏低，幾好飲。
粟米湯餃
$33
70 浏览
0 赞好
0 留言
粟米好多又爽口，加埋佢個脆辣菜脯，好好味。
個魚湯都好正，飲落好舒服，又唔鹹，雖然係生魚湯，但唔會好腥，怕腥嘅屋企人都飲得到。
原來十隻餃子中，有一隻係韭菜餃😯，我妹幸運地試左四款口味，佢話韭菜餃最好。而我自己就覺得佢每款餃子都好住家feel、好舒服，唔會好鹹好濃調味料。如果下次再嚟，可以買佢嘅生餃番屋企煮湯餃🤤。
餐廳除左收現金外，都可以八達通付款。
张贴
