Givrés (已結業)

元宵日同男朋友喺湾仔食饭，行到利东街，话说呢度都几多特色食店，装潢都好靓！经过见到有间铺头，奇怪地好多姐姐们聚集橱窗前，用远处睇肉眼唔系好分到真假嘅玫瑰花球影相，吸引左我行埋去，细看先见到系呢间雪糕店提供俾客人影相嘅假花球。雪糕店唔大，位置几个，提供玫瑰花形嘅手工雪糕、咖啡、茶。雪糕味道大概有十几款，较特别嘅有开心果、薰衣草、玫瑰花等。玫瑰花雪糕可点1/2/3种口味，每层加18蚊（1种味$40/2种$60/3种$78）老实讲，两层嘅颜色系最靓，更能特显玫瑰花瓣嘅层次。三层相信会太多，食唔到雪糕嘅味道。不过俾60蚊食杯雪糕又唔舍得，所以只系拣左一款味道。洛神花雪糕 $42 店员系非常细心地一层一层将雪糕砌成玫瑰花形状，见过有啲比较平价，确系冇整得冇人地咁靓。以手工雪糕而言，溶嘅速度唔算快，我好歹都相机食左十张，都保持到形状。洛神花味好突出，味道带酸，但唔会酸到入唔到口，唔会有人工味，几好食要负皮嘅系个雪糕筒，非常普通，类似细个时候学人整雪糕，喺超市买嘅平价雪糕筒呢类雪糕当然主力系俾相机食，味道就预左唔会惊为天人。佢嘅任务亦都达成，话哂我喺门口帮佢影写真，女士们望到都确系心动心动。