阿里山 (逸酒店) (已結業)

台湾的古早蛋糕近排行过一些旺区都成日见到好多人大排长龙，第一次试下台湾古早蛋糕，原来有成十几只味，我真系孤陋寡闻。店员逐一介绍各只味道的做法，朱古力味蛋糕中间仲有朱古力酱流出来，有少少食紧心太软的感觉❤️仲有店员十分推介的日本柚子味，清清甜甜，咬落仲有柚子系入面。店员话等多十几分钟就有榛子味出炉，等候期间店员又叫我试埋个原味，好香的蛋味，佢哋话已经试过好多只唔同嘅蛋，有日本，中国，泰国等等先决定到用咩蛋去做，本身个蛋糕底好松软就唔洗再讲喇。仲见到佢地逐一逐一将d蛋逐只洗干净，全个制作过程都系开放式比街坊睇住，一班年轻人系度默默整饼。呢十几分钟老板仲讲左好多关系制作蛋糕的一些小细节，原来佢哋用的全部系食用油墨印刷的盒，连胶袋都系环保材料，睇得出老板无论系蛋糕本身落苦工之外都好着重其他的细节，值得支持。但如果真系要试哂咁多味，我建议先试原味，由清清地的味开始到比较浓的朱古力，否则可能会味感会有误，试左再决定边只正都未迟😉