明記海鮮潮州菜館 (天保大廈)

营业中

休息中

如果想食蛳蚶、黄酒鸡，第一时间就会谂起「明记」。秘制冻蛳蚶（$128）保持水准，酱汁酸酸甜甜，蛳蚶肉鲜味。客家黄酒鸡（半只）（$160）汤底酒味浓，材料足，鸡件滑，够哂补。卤水鹅（$148）份量适中，啖啖肉，冇咩骨，鹅肉唔嚡有咬口，卤水味唔过咸。豆腐花生垫底。韮菜猪红（$88）大大碗，粗略估计都有廿粒以上。猪红有质感唔会一夹就烂，调味酱汁够哂浓，微辣。少量韮菜有啲韧。菠萝咕噜肉（$118）猪柳条啖啖肉，肉质软腍，无骨，青椒红椒加菠萝，味道正常。猪油渣虾干生炒菜心苗（$118）火喉差少少，冇乜镬气，少少偏湿、偏油腻。1L大冻柠檬茶（$36）超大杯，用大啤酒杯装。另收加一服务费，没有茶钱，但有一碟小食（$20）。星期五/六，用餐时间2小时。