阿麥廚房 (已結業)

有日去铜锣湾上堂，见夜就食埋晚饭先走喇。行下行下去左呢间 Mackie Kitchen. 见几有格调，就入去试下。座位几舒服，唔系好逼果种。店员推介佢地嘅猪手同海鲜饭，话好多人钟意。open rice 一下，真系大部分人都系推介呢两样。咁我地无咩ideas, 就试下喇。🍵餐汤：黑松露菌忌廉汤（我向来钟意食菇同埋黑松露果种香味。佢应该系用杂菌搅烂嘅，咬落啖啖都系菇嘅香味！我个人好喜欢）🍵蟹肉南瓜忌廉汤（我试左友人两啖。南瓜嘅香甜同蟹肉好夹，呢个比黑松露较为清新）🍤小食：大虾占米多（个酱几特别，配合埋洋葱粒，啲虾肉好爽口）🐽主菜：德国烧猪手（皮脆肉嫩。唔系讲笑。我平时好怕食猪手，惊佢干。但见到好多人都点呢个就试下。啲肉真系仲juicy 架。旁边啲薯条都好饱满。热辣辣！）黑松露面包蟹意大利饭（面包蟹本身都好大只好睇得。第一次试用黎整risotto . 又几好味㖞。都好多蟹肉，同埋份量唔会太多，啱啱好）Staff 都好helpful。上菜又快。值得推介。