小點角落

营业中

休息中

今日喺葵涌广场同埋连接住嘅葵涌新都会广场行街，听讲呢区嘅餐厅都好抵食，行吓见到一间装修好清新、好舒适嘅餐厅，门口放咗一个好吸引嘅餐牌，呢度有好多街头小食，例如鸡蛋仔、烧卖、鱼蛋、肠粉等等，仲有果汁、沙冰特饮等等。平时好少食街头小食，因为唔想企喺个街度食，今次同朋友一齐行街，行到攰咗，坐低慢慢食，倾吓偈，又唔想食到太饱，嚟呢间餐厅就最适合，而且食物卖相非常靓，好适合打卡影相。餐厅必食推介，见到餐牌，即刻好有兴趣呢味「咸蛋黄炸鸡翼]，鸡翼外面涂上炸粉同埋咸蛋黄，外皮炸到脆卜卜，鸡翼里面肉质Juicy而且鲜嫩香滑，热辣辣，好好味。除此之外，仲有「炸芝士条」、「炸薯条」都非常香口、惹味。「小食拼盘」包含炸虾球用竹炭雪糕筒装住，卖相精致，好特色，好适合影相打卡。另外仲有碗仔翅、蒸肠粉、烧卖、章鱼小丸子等等传统港式小食，应有尽有。甜品方面，有雪糕鸡蛋仔，鸡蛋仔即叫即整，热辣辣，脆卜卜。仲有「椰皇炖蛋白」同埋「芒椰特饮」，蛋白非常香滑，芒果椰汁味道配合得相当好，芒果肉好新鲜、好香甜，全部甜品都非常值得推介。