影片
更多
2010-07-08
56 浏览
女朋友们为补祝我既生日，最终选择左云府食饭，主要系我想见识下呢间食肆，应该话叫参观下呢间食肆至真。因为平日经过，佢门外既装修有一份神秘感，好似好吸引，所以好想入去睇下，不过要女朋友们破费，认真唔好意思！一踏入门口，摆设左类似敦煌既小佛像，女友已大喊要影相，跟著灯光昏暗，沿著楼梯往下，小心地落到地库，左手边系一个中国式圆形酒吧，而右手边就系一间一间充满中国风既房间，一直前行，就系食饭既大厅。大厅中央放左一个差不多顶到天花既大佛像，另外所有既枱椅、灯、柜等摆设全部都系好中国，大部份枱、椅都系唔一样，睇得出系一丝不苟既心思之作。至于其他方面，等有兴趣既食客亲自感受一下。餐牌大部份饮品同食品都用左比较诗意既名，当时忘记特别要记低，而家当然唔记得啦，唯有简单形容。 两杯无酒精荔枝味既鸡尾酒，另一杯系有酒精既，味道都唔错，不过就无欢乐时光既买一送一同特价喇！ 鸡卷：外皮脆脆，味道都唔错！ 云吞：女友话味道唔错，但我就觉得普普通通！ 京烧羊肉：侍应一放低，已闻到阵阵香味。羊肉切到小长方块，皮做得脆口，而肉质又好嫩好Juicy。羊味唔太浓，啱晒我既口味，羊块下有切得幼幼既京葱，用京葱夹上羊肉块一齐食，
一踏入门口，摆设左类似敦煌既小佛像，女友已大喊要影相，跟著灯光昏暗，沿著楼梯往下，小心地落到地库，左手边系一个中国式圆形酒吧，而右手边就系一间一间充满中国风既房间，一直前行，就系食饭既大厅。大厅中央放左一个差不多顶到天花既大佛像，另外所有既枱椅、灯、柜等摆设全部都系好中国，大部份枱、椅都系唔一样，睇得出系一丝不苟既心思之作。至于其他方面，等有兴趣既食客亲自感受一下。
餐牌大部份饮品同食品都用左比较诗意既名，当时忘记特别要记低，而家当然唔记得啦，唯有简单形容。
两杯无酒精荔枝味既鸡尾酒，另一杯系有酒精既，味道都唔错，不过就无欢乐时光既买一送一同特价喇！
鸡卷：外皮脆脆，味道都唔错！
云吞：女友话味道唔错，但我就觉得普普通通！
京烧羊肉：侍应一放低，已闻到阵阵香味。羊肉切到小长方块，皮做得脆口，而肉质又好嫩好Juicy。羊味唔太浓，啱晒我既口味，羊块下有切得幼幼既京葱，用京葱夹上羊肉块一齐食，异常香口，羊味更突出，系全晚最出色既菜，正！
四川辣子鸡：见到好多四川辣椒，但味道完全无四川既麻辣，只有好轻微既辣味。鸡块炸得干身，无汁，跟传统煮法既四川鸡有好大分别但差在超咸，只食左两块，已经唔能够再食落去。
担担面：味道普通，面太 "淋"，无特别。
马蹄糕：外面有一层脆皮，呢个系我唔钟意既地方，因为感觉比较腻。而马蹄糕本身则欠马蹄香味，亦食唔到马蹄粒粒，唯一可取系唔太甜。可能本身唔系甜品爱好者，而女朋友们就觉得ok，全碟清晒！
当晚星期五食餐时段只有4枱(包括我地一枱)，其他3枱都系外籍朋友。食物质素普通，系预期中既食装修。叫做黎过、试过，ok 啦！不过相信是晚消费唔平，朋友们要您地破费破费喇！
张贴
