影片
更多
2012-07-19
117 浏览
成年都无人写过呢间既食评...身为街坊既我.为你打打气是日爸爸澳门嬴钱回来, 一于食餐劲既~~一家三口(细佬返工) 去越华会, 理由: 野食好食D( Compare to 明星 , 有海鲜, 近, 价钱公道)是次只系影左一张相..我地三个人食左:=====豉椒炒砚呢个𩠌系酒家系好难唔好食既, 所以所在焦点就放左系酒家有无抽水啦..即系有无好多有shell无肉既砚, 越华会呢碟都好好, 无咩呢个情况出现.同埋都几大碟. 赞!=====斑球两味斑球佢声称系"海斑",但爸爸话唔系,系人养既唔系野生..因为食得出既 ( 佢先系真正隐世食家).. 不过整体都唔错, 又系分量大大既, 价钱同东涌一样, 但我觉得呢度大份D,同埋好味D (迷之声: 唔使自己俾钱咩都好食) 虽然系人养既,但鱼都够滑,佢两味既烹调手法又系好稳阵,所以都食得好开心======八锦豆腐煲呢个有点失准, 我个人虽然唔多喜欢附近间"囍馆",但不能否认"囍馆"确实做得好D...呢度呢个煲太多芡汁啦..D菜呀冬菇都唔系太讨好...个煲又唔系话好热..=====霸王鸡正!!因为好钟意食鸡~~ 我觉得呢个系最好食...因为之前食过葱油
成年都无人写过呢间既食评...身为街坊既我.为你打打气
是日爸爸澳门嬴钱回来, 一于食餐劲既~~
一家三口(细佬返工) 去越华会, 理由: 野食好食D( Compare to 明星 , 有海鲜, 近, 价钱公道)
是次只系影左一张相..
我地三个人食左:
=====豉椒炒砚
呢个𩠌系酒家系好难唔好食既, 所以所在焦点就放左系酒家有无抽水啦..即系有无好多有shell无肉既砚, 越华会呢碟都好好, 无咩呢个情况出现.同埋都几大碟. 赞!
=====斑球两味
斑球佢声称系"海斑",但爸爸话唔系,系人养既唔系野生..因为食得出既 ( 佢先系真正隐世食家).. 不过整体都唔错, 又系分量大大既, 价钱同东涌一样, 但我觉得呢度大份D,同埋好味D (迷之声: 唔使自己俾钱咩都好食) 虽然系人养既,但鱼都够滑,佢两味既烹调手法又系好稳阵,所以都食得好开心
======八锦豆腐煲
呢个有点失准, 我个人虽然唔多喜欢附近间"囍馆",但不能否认"囍馆"确实做得好D...呢度呢个煲太多芡汁啦..D菜呀冬菇都唔系太讨好...个煲又唔系话好热..
=====霸王鸡
正!!因为好钟意食鸡~~ 我觉得呢个系最好食...因为之前食过葱油鸡,太多姜丝,令到鸡既味盖住哂,净系得姜味!
呢个唔会,因为上面系好多葱, 好似平时点姜葱咁,好香^^ 同埋要半只鸡真系俾足你,唔会净俾鸡胸,系有鸡翼同脾...出乎我意料.^^
=====蒜泥虾
我原本想食白灼但爸爸话蒜泥好D...个人觉得D虾唔系好新鲜, 不过可以一试...记得要衬热食,因为冻左会好油!!
埋单 6xx , 但系打包左成盒𩠌俾细佬放工做宵夜...即系每人都系百零蚊.
抵呀!
张贴
