歡樂海鮮酒家

营业中

休息中

和屋企人去吃生日饭，埋单连贴士接近一万，大家都好尽兴。黎呢度紧系食海鲜，呢间对正马路 今次唔洗行咁入去揾食喇～率先黎左石头鱼冬瓜盅，汤几甜，但瓜有草青，材料仲有菇同好易食到有骨既鱼，一人够分到一碗。再黎两只西澳龙虾🦞只碟好巨型，大啖又弹牙，不过芝士汁奶味多，家人话系用大6芝士，伊面无特别，志在医下肚。蒜蓉粉丝蒸象拔蚌几鲜味既，调味少少已显鲜味。员工强推既贵妃蚌蒸水旦几滑，不过本身普通食水旦，所以无话好特别欣赏。阿拉斯加长脚蟹几贵下，仲要事先去订好先有得食，清蒸已好清甜鲜味，我哋一人分到两只脚咁上下。蛏子皇用豉汁整就好好，又大又无细壳，入味肉弹，汁浓厚又唔过咸。龙趸多肉，一鱼两食，份量几劲，整得几靓，食剩打包最多系呢样。奄仔蟹劲多膏之余仲有肉食下，呢碟都接近一千，突灯拣大只啲既黎整，可能因为家人期待最耐，所以话特别好食。