火鍋煮場 (已結業)

呢间火锅店唔好睇佢装修麻麻哋，食物质素媲美尖沙咀铜锣湾区嘅高质火锅店但系价钱就保持返喺深水埗水平，啱晒我呢啲唔系食装修嘅人。坐低先你两个小食等齐人先开波打边炉，叫咗炸云吞同埋炸鸡软骨，炸云吞似乎系自家制云吞拎去炸，鸡软骨就一般货色啦，配埋佢哋而家德国啤酒优惠一蚊一支真系抵到好得人惊，我哋都系咁以饮咗少少。汤底试咗清汤牛爽肉锅，所谓嘅牛爽肉就好似介乎牛肉同埋牛筋之间，几好食。海鲜就叫咗圣子同埋广岛蚝，啲圣子好新鲜同埋都几大只。佢个羊肉味道都唔错，唔算太肥。呢度嘅手打院同埋云吞都做得几好，应该系自己整嘅因为食落去都觉得几新鲜。呢度嘅黑毛猪柳猪肉味香而且咬落去烟烟韧韧好好食。另外我哋仲叫咗冰豆腐同埋菜。整体好食抵食。