三餐冰室

营业中

休息中

平时也会去香港不同的扒房或冰室食扒，但普遍餐厅嘅扒都会用咗松肉粉，令味道大打折扣。今次去到尖沙咀呢间冰室食完佢嘅牛柳真系觉得有惊喜。今次呢间冰室位于尖沙咀漆咸道南，原来呢间冰室都大有来头，原来佢嘅老板家人同是沙田兰香阁经营。餐牌内选择相当多，但今日嚟到就要食佢嘅铁板招牌牛柳餐。铁板招牌牛柳餐 $128套餐包括有多士、同埋可以拣罗宋汤或是日餐汤、以及配即磨咖啡或餐饮。所有铁板扒餐供应时间为2-10pm。今次呢个餐我就拣咗烧汁。而估唔到食之前都要赞一赞个师傅，因为我点餐系叫五成熟，到上枱一切牛柳果然真系五成熟。真系比坊间不少餐厅好好多了。味道方面亦相当出色，首先就食唔到有用松肉粉，而且质感软滑牛味浓郁，真系推介。牛油多士套餐嘅多士亦相当不错，质感相当软熟。罗宋汤之后罗宋汤同样相当足料，酸酸立立相当开胃，而且真系相当多蔬菜，不错。饮埋杯冻柠茶就相当满足了。整体呢间冰室相当抵食，特别佢嘅牛柳相当出色值得再试。