滿江紅小甜甜 (已結業)

寻晚同朋友心丝丝想食辣，喺呢到揾到呢间餐厅。一入门口侍应就劲好招呼！餐厅内部都几干净！带我地埋位之后我地就开始落order喇。侍应姐姐好有心咁问我地食到几辣，土豆丝都可以加辣嫁！我地嗌咗一份蒜泥白肉，一份土豆丝，歌乐山辣子鸡同埋牛栢叶麻辣烫。侍应放低哂餐具之后，我地就洗下啲餐具啦。首先上菜既系蒜泥白肉。佢同平时我地食开米线铺既白肉系唔同嫁！小甜甜既白肉肥瘦比例好啲，重点系啲蒜泥磨到好似豆腐咁滑！差啲就溶埋落啲辣油到，抵赞。之后上既土豆丝好爽口好开胃，解辣一流。到真正既辣上菜喇，其实个辣子鸡唔算好辣，不过好惹味，食开停唔到！个牛栢叶就一个锅咁上，一路滚住咁上。呢个就即使小辣都令到平时唔常食辣既我地，要嗌番野饮同白饭。最后就饱哂咁埋单走。