好川好菜 (已結業)

不嬲都鍾意食辣嘅我同朋友喺尖沙咀行完街，喺樓下經過就比四個字”好川好菜”吸引左！上咗樓發現裝修好古色古香，而最吸引到我嘅係牆上面幅畫係親手畫架喎！好似留意左啲唔係太關事嘅嘢等我講返佢啲嘢食先！未落單之前就已經上咗碟小食，真係要講一講佢個花生好出色！呢個酸甜嘅話梅排骨係第一碟上嘅！味道有層次得來仲好開胃！夫妻肺片好夠辣，肺片唔會咬唔開！味道都唔錯！重點黎啦！係我食川菜一定會叫嘅毛血旺，一想碟即刻俾佢嚇親，個碗仲大過我屋企廚房個星盤！辣度十足！啱晒鍾意食辣嘅我！裏面嘅配料都好足夠，其實淨係呢兜野都夠兩個人食啦！