Bulldog Hotdog (永勝大廈) (已結業)

铜锣湾太多好野食 但周围都排晒排 男朋友就拉我去食热狗本来想试期间限定既黑糖苹果豚肉热狗但太好卖无得食🥺🥺唯有试下个经典口味—————-招牌热狗⭐️⭐️⭐️⭐️⭐️不得了 成个包既组合我比一百分无夸张😍首先个包面有少少焗薯皮咁既质感 而且有淡淡既香料 比坊间既热狗做得更加细致 酸忌廉唔会太出 好岩我既口味 而肉碎酱少少辣 中东风味十足 包既内层比酱汁浸到林左 但口感无变差到 重有啲似芝心 成个感觉好丰富 直头觉得食紧pizza😋————————-松露蛋热狗⭐️⭐️⭐️⭐️松露味好香 而且估唔到热狗专门店既蛋可以炒得咁滑 份量唔会孤寒 绝对唔会差过其他餐厅 只系相比招牌 依款就比较平凡少少 可能我食热狗都系钟意辣既 但依款整体都系高水准作品👍🏻👍🏻—————-另外加$20就可以转餐多份小食同埋饮品 我觉得两个人黎食加一个餐就够 因为热狗本身都好大份 男朋友都有提过我 但我想试多只味所以一个叫一个热狗😂😂😂所以如果系两个女仔我甚至觉得可接受share一个热狗黎食🙊铺头唔算大 但都设有洗手盆 好细心既设计 之前睇过一个YouTube饮食Channel访问老板 睇得出佢对食物既热诚 今次终于试到 真系好有惊喜