影片
更多
2019-12-13
103 浏览
尖沙咀某街入面有间装潢非常中国特式既食店，已经想去试好耐，今日约埋钟意食上海菜既朋友一齐去试入到店先发觉，唔止外面装潢有中国风味，内裹既设计同餐具都好有特色。墙身画上左好有古风既画作，打卡一流。坐位又阔又舒服，有VIP 房可以比一家人节庆食饭添。今日简单叫左几味钟意食既菜式,有酸菜鱼、口水鸡同招牌鲜肉小笼包，另外仲叫一碗泡菜牛肉面。酸菜鱼份量非常多，用大盘上，起初仲好担心两个人食唔晒，但由于味道出色，两个人都争住食。鱼肉似系龙脷柳，鱼肉大块又厚身，但肉仲系好软滑，有啲惊喜。垫底有宽粉，比较爽口，亦好顶肚。汤唔油腻，辣度适合香港人口味，唔会过辣，加上微酸既酸菜，几开胃。口水鸡算系食过味道最好既。酱汁非常辣，渗入鸡肉入面，每啖鸡肉都食到酱汁既麻辣香味，纵使辣到流晒汗，都忍唔住一口接一口。鸡肉系有韧度既，最惊食软淋淋一浸雪味既鸡，但呢个完全冇，惟一可惜系鸡肉唔够滑。招牌鲜肉小笼包值得一试，之前食过几间小笼包专门店都唔及呢间既小笼包好食。皮薄而肉汁非常多，价钱亦大众化。泡菜牛肉面都有惊喜，面条好弹牙，即使隔左一段时间都唔会淋晒。牛肉亦系好新鲜，中式既泡菜亦起到提鲜作用。最后叫左碗姜茶汤圆。系咁
入到店先发觉，唔止外面装潢有中国风味，内裹既设计同餐具都好有特色。墙身画上左好有古风既画作，打卡一流。
坐位又阔又舒服，有VIP 房可以比一家人节庆食饭添。今日简单叫左几味钟意食既菜式,有酸菜鱼、口水鸡同招牌鲜肉小笼包，另外仲叫一碗泡菜牛肉面。
酸菜鱼份量非常多，用大盘上，起初仲好担心两个人食唔晒，但由于味道出色，两个人都争住食。
鱼肉似系龙脷柳，鱼肉大块又厚身，但肉仲系好软滑，有啲惊喜。垫底有宽粉，比较爽口，亦好顶肚。汤唔油腻，辣度适合香港人口味，唔会过辣，加上微酸既酸菜，几开胃。
口水鸡算系食过味道最好既。酱汁非常辣，渗入鸡肉入面，每啖鸡肉都食到酱汁既麻辣香味，纵使辣到流晒汗，都忍唔住一口接一口。
鸡肉系有韧度既，最惊食软淋淋一浸雪味既鸡，但呢个完全冇，惟一可惜系鸡肉唔够滑。
招牌鲜肉小笼包值得一试，之前食过几间小笼包专门店都唔及呢间既小笼包好食。皮薄而肉汁非常多，价钱亦大众化。
泡菜牛肉面都有惊喜，面条好弹牙，即使隔左一段时间都唔会淋晒。牛肉亦系好新鲜，中式既泡菜亦起到提鲜作用。
最后叫左碗姜茶汤圆。系咁冻既天气，呢个甜品真系一流，饮完暖笠笠满足咁走。
张贴
