Tiger Curry (已結業)

一直好想同朋友黎食Tiger Curry，今日终于可以如愿！以日式咖哩为主，可以自由配搭辣度、材料等，之前经过已经心思思想食，门面较似西餐厅，但一入就系另一番景象～环境地方尚算可以，但坐位之间比较迫，卡位唔多，而且内里都较似西餐厅，但店员系日式食店既打扮，入去果时都会以日语作欢迎～餐牌有好多咖哩款式可拣选，确实款式多到好难拣，左拣右拣咩都想食，讨论左成十分钟先决定到Q_Q老虎吼沙律，份量好多！果然要老虎般食量先食得晒，不过$55一大份好抵食，主要材料有生菜，粟米，车里茄，烤鸡块同温泉蛋，落得好足料，生菜新鲜又够爽，而且其沙律酱酸味较重，食落好开胃～系抵食之选！金芝年，即系芝士年糕，外脆内软，带少少流心感，芝士浓而不腻，好食～爆脆鸡，炸得好香好脆，鸡肉大件又够嫩，可惜味道偏咸，愈食愈咸一大碗白蒙蒙既泡沫，就好似一碗汤咁，但只有搞一搞。。可以见到乌冬慢慢浮面，而且更有和牛相伴，有够吸引～依碗就系白虎喇～白虎，白色既泡沫食到浓浓既薯容香味，泡沫质感柔滑，而底下则系咖哩乌冬同和牛片，乌冬烟韧得黎又够香滑，和牛片咖哩味重，有微微辣度，可以分咐店员加辣，又香又够好食，确实冇嗌错，值得一赞！