元朗花甲粉 (已結業)

花甲粉门面唔太起眼，唔留神好容易行过笼，属于细细间小店，入面一眼睇哂，只有两个人负责哂所有出单、煮食。因为老板系美少女战士FANS入面会见到有好多摆设、Figure。每日十二点开门接受大家电话外卖(星期四休息)，大家最好打定电话叫，因为即场落单会等好耐，起码半个钟或以上。即使十二点打电话都好多时唔通，要打成十几通电话。大家想夹到LUNCH时间拎到外卖就要趁早打。🔥花甲粉 $59★★★★☆MENU主要分花甲粉同百搭粉选择，两者都会有娃娃菜、豆卜、金菇做底，只系花甲粉就有花甲而百搭粉系自选两款𩠌。就咁单叫花甲粉唔额外加𩠌都好够食，因为粉丝饱肚同顶胃。花甲粉叫左芫茜、葱、炸蒜，BB辣、小麻。花甲有十只左右，正常SIZE冇沙冇坏冇霉。汤底惹味同麻，咸度够，芫茜、葱、炸蒜配埋粉丝加少少汤一齐食好正。食完都会有小小口渴，但咁重口味黎讲算正常。BB辣唔太辣，唔食辣既人都可以食到，食开辣嘅可以叫小辣或以上。娃娃菜、豆卜、金菇份量都多同新鲜，而且索汁索味，正！完全明白点解闲日都咁多人食。外卖会自动分左汤同面，粉丝索汤汁，建议大家先落一半粉丝，差唔多食完再落另一半，咁就唔会吸哂汁同太发胀。另外如果细食可以