影片
更多
2017-01-16
1806 浏览
之前有朋友嚟"月"打过边炉话好食，于是约埋一班朋友嚟试新嘢。喺一幢唐楼上面，门口有档卖衫嘅舖头。试咗一次之后，急不及待再book第二次，然后第三次试埋个西餐，真系食过番寻味，一个月内食咗3次，未试过咁爱一间食店。呢间私房菜环境我几钟意，唔会迫，坐得舒服，唔洗分时段，慢慢食，倾下计，饮吓嘢，唔觉唔觉就几个钟。先讲讲个打边炉，汤底无味精又足料，个个都饮返一两碗先开始烚吓烚吓; 材料新鲜，卖相亦相当唔错。佢会预先叫你拣定一个汤底，预设一个菜单，当然，唔啱食系可以叫佢改。有5款海鲜，每款都好新鲜，最欣赏个虾，系用酒浸，食嘅时候好甜好弹牙，仲有阵阵酒香添。牛肉一般，鱼片头几香，黑毛猪比较鞋，栗米好甜，南瓜正常，值得一提系个鱼皮，真系脆到无朋友，"正"﹐个杂菜盘D菜极新鲜，仲砌得好靓！同场追加咗一客松露酱薯条，唔洗15分钟清碟，唔系因为细碟，实在都算大份，6个人一人都有10条8条; 另外仲追加咗一份沙律，又系好大份，菜好新鲜，个汁仲好好味，又系好快照镜，好似饿鬼上身咁讲完打边炉，又讲下第三次帮衬嘅西餐，呢次同另一班朋友，一行6人，不约而同都系赞不绝口。薯条同沙律唔重覆讲，一样咁好食，又系极速照镜，
试咗一次之后，急不及待再book第二次，然后第三次试埋个西餐，真系食过番寻味，一个月内食咗3次，未试过咁爱一间食店。
呢间私房菜环境我几钟意，唔会迫，坐得舒服，唔洗分时段，慢慢食，倾下计，饮吓嘢，唔觉唔觉就几个钟。
先讲讲个打边炉，汤底无味精又足料，个个都饮返一两碗先开始烚吓烚吓; 材料新鲜，卖相亦相当唔错。佢会预先叫你拣定一个汤底，预设一个菜单，当然，唔啱食系可以叫佢改。
有5款海鲜，每款都好新鲜，最欣赏个虾，系用酒浸，食嘅时候好甜好弹牙，仲有阵阵酒香添。
牛肉一般，鱼片头几香，黑毛猪比较鞋，栗米好甜，南瓜正常，值得一提系个鱼皮，真系脆到无朋友，"正"﹐个杂菜盘D菜极新鲜，仲砌得好靓！
同场追加咗一客松露酱薯条，唔洗15分钟清碟，唔系因为细碟，实在都算大份，6个人一人都有10条8条; 另外仲追加咗一份沙律，又系好大份，菜好新鲜，个汁仲好好味，又系好快照镜，好似饿鬼上身咁
讲完打边炉，又讲下第三次帮衬嘅西餐，呢次同另一班朋友，一行6人，不约而同都系赞不绝口。
薯条同沙律唔重覆讲，一样咁好食，又系极速照镜，有朋友迟嚟，食到中途再嚟多客，一样极速食晒！
首先嚟个磨菇汤，够浓又有够香，一人仲有两块蒜蓉包，焗到脆脆哋，好食！
跟住嚟个烟肉芝士焗大啡菰，好香，仲有一个好特别嘅口感，我研究过系D烟肉，佢系连住少少猪皮，烟烟靭靭，好有口，未食过呢个口感，好特别！
跟住嚟个鱼扒，唔记得系咩班，唔腥，有鱼味，中间D肉就好滑，刚刚熟，侧边有些少鞋，旧鱼好厚肉，好难避免，个皮煎得好脆，盐落得唔太均匀，有D部分过咸，总括嚟讲都系好食！
再嚟个酒煮砚，砚新鲜，味道一般般。
然后系猪鞍，肉好嫩，食得出系靓猪鞍，好juicy﹐好味!
惊你唔饱再整个松露意粉，比较香，意粉硬度适中偏硬，我钟意，不错！
最后甜品系朱古力雪糕加cheese cake﹐雪糕好食，cheese cake一般，两样都唔知系自家制定现成。
3次都系食得好饱，佢哋预得个分量几好。我哋带咗4支酒上去，开瓶费全单收$50﹐好实惠！
打边炉收费约$400/位，西餐约$440/位，个人觉得价钱适中。
有少少美中不足系，如果有单列返边样几钱会好D﹐同埋老板主动D同客人沟通，同早少少沟通会好好多，回覆快一D会更好。
张贴
