羲和雅苑

营业中

休息中

一坐低就送上桂花乌龙茶，散发出一种淡雅清香，茶水桂花香味浓，令人放松。佢嘅招牌片皮鸭由师傅现场表演刀功，并且分三个部位：鸭胸皮，可以点爆炸糖加蓝莓酱食，甜甜地又脆口；鸭胸肉肉质结实，，配上芥末，微甜微酸，唔会呛喉；鸭腿肉就用嚟配薄饼，第一种食法：青瓜清新，京葱辛香，油香十足；第二种食法：新奇甜辣，蓝莓酱同山楂好夹，洋葱辛辣，鸭味突出。再叫咗个避风塘炒软壳蟹，香口脆卜卜，辣味唔会太重、啱啱好，蒜香味浓，软壳蟹冇腥味，好好食。另外再有个凉菜-- 干隆白菜，以酸甜为主，脆口，开胃，系几特别嘅手工菜，唔好以为会好细碟，份量好够！佢哋嘅小笼包皮薄馅靓，肉汁丰富，一咬落去，肉汁就喺口中爆开，有质素保证。至于咸菜方面，我哋叫咗贝勒爷烤肉，羊肉份量都几多，孜然香唔会盖过风头，脆口唔韧，我好接受到佢嘅膻味添！