花滿樓京川滬菜 (已結業)

我地陪阿妈买完衫，记得上次黎食过云吞鸡好味，一于带妈咪黎试下！ 小笼包 - 上次食过蟹粉小笼包既蟹粉一般，今次小笼包反而几好，皮薄肉稔，够汤汁！醉鸡 - 嫩滑，酒味香浓，不错的冷盘。云吞鸡 - 白白既鸡汤鲜甜，饮得出金华火腿，云吞皮薄而滑，算系必食。配上小棠菜同埋仲几滑既鸡肶肉。担担面 - 人手拉面弹牙，麻酱汤底浓味，有花生虾米粒，几好。水煮鱼 - 鱼片唔多，加上葱椒芽菜。没有麻，只有中辣，很多地方都煮得比它出色。酒酿丸子 - 桂花算香，但唔够热，丸子煮耐左。 有甜品杞子糕送，但太甜所以无乜食到。今次唔会人多，静静地，三位坐卡位阔落几好，阿妈满意。