點鍋

营业中

休息中

兆万商场呢度好多嘢食，不过质素就好参差，有几间放题店都一般，不过呢间点锅唔算开咗好耐但已经再嚟食第二次，因为质素都几高价钱又唔贵。今次来好多嘢都执得更加靓，同整齐，更加知道呢一间火锅店鞋跟良心企业，请咗一班是听障人士，比佢哋有工作机会真系好欣赏老板。火锅汤底有好多款，我哋拣咗胡椒猪肚酸菜汤，猪肚同酸菜份量好多不过胡椒味可以再浓啲。火锅配料方面，选择都算几多，而且有好多独特嘅配料出面未见过，包括「黑松露虾蟹饺」、「芝士紫菜虾蟹饺」，「芝士虾丸」、「芝士墨鱼丸」，对芝士爱好者简直系一大福利，好好味！另外仲有墨鱼肠，切开一片片就唔使一次过食太多，墨鱼味好浓郁，又弹牙，好正！响铃本身已经好好味，加埋紫菜更好味。牛肉方面，肥瘦平均，入口都几林唔错。海鲜拼盘好高质，好新鲜。蚬无沙好清甜，龙趸好滑好林，虾都系好新鲜👍🏻嘢饮方面除咗一般嘅汽水仲有竹蔗茅根，可以清下热，唔会太甜几好饮。