影片
更多
2008-08-06
25 浏览
约左爱将、i am hungry同海狮睇Wall E，喺进入未来世界前就决定去拜访感觉截然不同嘅金满庭。但忙碌的海狮突然甩我地底，净系睇戏咁话，所以得我地三个食。虽则系星期二，但仍然要等位。等紧时候就落左去同i am hungry睇电话同去左星巴克坐左坐。唻开铜锣湾食野都好少唻到食通天，虽然有好多选择但价钱唔平之余，总系唔系太吸引到我，所以通常都系去返Sogo𠮶面揾食。今日唻到食通天，发觉除左金满庭之外，其他地方都唔驶等位咁济。最后等左大约一个钟先入得去。入到去地方好大，装修都几靓，我地三个人被编排左个好阔的卡位。配菜嘅小黄瓜几爽脆，酸酸的好开胃，如果辣多少少就好啦。大家放左工都抑制唔住兽性，即使系平时好似好矜持的两位女孩子们都豁出去，三个人不知不觉叫左七样野。先唻三个头盘。皮蛋豆腐同想像的差好远。皮蛋少到好似冇，而肉松同榨菜太多搞到太咸，配料的比例太奇怪。豆腐唔够滑，同埋如果加多D麻油会香D，系失望之作。山东手撕鸡就几好食。鸡肉系大大片的手撕，肉质嫩滑，鸡皮带有少少油份，都几香。味道唔会太浓，可以就咁食。有半只大大碟的，好抵食。糖莲藕我冇试到，但i am hungry话太甜，林bat
入到去地方好大，装修都几靓，我地三个人被编排左个好阔的卡位。配菜嘅小黄瓜几爽脆，酸酸的好开胃，如果辣多少少就好啦。大家放左工都抑制唔住兽性，即使系平时好似好矜持的两位女孩子们都豁出去，三个人不知不觉叫左七样野。
先唻三个头盘。皮蛋豆腐同想像的差好远。皮蛋少到好似冇，而肉松同榨菜太多搞到太咸，配料的比例太奇怪。豆腐唔够滑，同埋如果加多D麻油会香D，系失望之作。山东手撕鸡就几好食。鸡肉系大大片的手撕，肉质嫩滑，鸡皮带有少少油份，都几香。味道唔会太浓，可以就咁食。有半只大大碟的，好抵食。糖莲藕我冇试到，但i am hungry话太甜，林bat bat，系我地唯一食净嘅野。
到D面食点心。担担面睇落好似好辣，但一D都唔系。个汤花生味唔够浓，但最差都系个面，太林冇咩咬口，比大角咀𠮶间差。当然同鼎泰丰、好好、咏黎园的冇得比。葱油伴面D面都系一样有待改善，但味道非常之好! 味道唔系太浓，但仍然充满葱嘅香味。伴住炸过嘅同新鲜嘅葱，比鼎泰丰的出色。最后的小笼包皮薄馅靓，但其实做得好的小笼包依几年都好多，唔算话好特别。
最后一味系奶油津白。有奶油香味但唔似好多地方咁过于淡，味道调教得啱啱好。津白算系吸左奶油的味，好食。
总括唻讲，食物还可以，但点心面食仍比鼎泰丰略逊一筹，胜在更多元化，多D小菜。如果依间已经系食通天最受欢迎的一间食肆，咁平时去Sogo𠮶面揾食睇唻都系明智的选择。
张贴
