影片
更多
2022-12-05
535 浏览
星期日同呀爸呀妈去咗沙田拜山，佢哋话好多年无去过「龙华酒店」，唔知而家变成点，而我就直头无嚟过。既然去开附近，就行多几步睇吓👀。龙华位置距离火车站大约15分钟路程，唔算远。沙田站向IKEA方向行去禾𪨶村，再沿住火车路行多阵就到🚶♀️，离远会见到好大个招牌。入口处有个古色古香风格嘅门牌，然后就系一条挂满灯笼嘅斜路🏮。骤眼睇都有啲似日本嘅神舍㗎，打卡一流。本身见沿路无乜人，心谂唔通真系过晒气，无人帮衬，原来系我谂多咗🤣。呢度座位非常多，仲要全场爆满，人气超高！室内冷气争少少，不过四周围贴满历史相片，保留咗怀旧气息。龙华脆皮烧乳鸽($98/顶鸽)，🦆乳鸽系餐厅嘅首席招牌菜，每一枱都落手食紧。乳鸽分顶鸽同中鸽两个大小，顶鸽重8-10两，真系比平日食嘅肥美同好肉。餐厅帮忙一开四，食得方便。睇餐牌介绍讲乳鸽先用滚水轻烚，然后用卤水汁浸熟，再喺鸽皮涂上麦芽糖拎去烧。乳鸽烧至金黄香脆，鸽肉好香兼多汁，就咁食都已经好食，当然沾喼汁同淮盐就更佳🤤。古法蚬芥牛仔肉煲($168)，用煲仔上果然保持到温度，食到尾都仲热辣辣🔥。牛肉有好多片，肉质都嫩🐮，另外仲有翠玉瓜同灯笼椒。蚬芥汁几香，无想像中咁浓味，反而姜葱
星期日同呀爸呀妈去咗沙田拜山，佢哋话好多年无去过「龙华酒店」，唔知而家变成点，而我就直头无嚟过。既然去开附近，就行多几步睇吓👀。
龙华位置距离火车站大约15分钟路程，唔算远。沙田站向IKEA方向行去禾𪨶村，再沿住火车路行多阵就到🚶♀️，离远会见到好大个招牌。
入口处有个古色古香风格嘅门牌，然后就系一条挂满灯笼嘅斜路🏮。骤眼睇都有啲似日本嘅神舍㗎，打卡一流。
本身见沿路无乜人，心谂唔通真系过晒气，无人帮衬，原来系我谂多咗🤣。呢度座位非常多，仲要全场爆满，人气超高！室内冷气争少少，不过四周围贴满历史相片，保留咗怀旧气息。
龙华脆皮烧乳鸽
$98
22 浏览
0 赞好
0 留言
睇餐牌介绍讲乳鸽先用滚水轻烚，然后用卤水汁浸熟，再喺鸽皮涂上麦芽糖拎去烧。乳鸽烧至金黄香脆，鸽肉好香兼多汁，就咁食都已经好食，当然沾喼汁同淮盐就更佳🤤。
古法蚬芥牛仔肉煲
$168
23 浏览
0 赞好
0 留言
如意竹笙上素($148)，呢碟素菜调味唔咸唔淡，可清清味蕾。绿色蔬菜主要得西兰花🥦，不过再配上大量杂菇、竹笙、木耳、雪耳、粟米笋同芽菜等，食起上嚟都几丰富，而竹笙就最为索味🍄。
生蘑杏汁炖白肺汤($88/位)，🐷猪肺汤煲至奶白色，饮落清润，无添加味精，亦唔油腻。汤渣有瘦肉、鸡件同猪肺等，但定价稍高，多人嗌一大窝就好似抵啲。
原味手造豆腐花
$68
5 浏览
0 赞好
0 留言
食完饭再喺园区四周围行下，而家嘅天气坐户外都唔错😊，感觉开扬自在。呢度其实除咗我哋坐嘅「贵宾厅」之外，仲有其余几个厅都开放。
即使唔嚟消费食饭，我谂游人都可以入嚟行过圈。佢嘅花园经翻新过💐，虽然天黑睇唔清，但都隐约渗出欧洲风情，而且仲有秋千。另一边厢就有儿童游乐设施，以及赏鸟区，有孔雀睇🦚！
总括嚟讲，龙华酒店系一个几得意嘅地方，喺香港驰名八十多年🇭🇰。虽然餐厅近年评价好坏参半，但我又觉得食物味道不俗，价钱亦系合理水平！今晚嘅体验就令我觉得好似去咗个小旅行✈️，俾少少想像力，都有啲似喺台湾九份吖。
张贴
