喫茶ちょうぼ

营业中

休息中

见到openrice话呢个好好食，环境好舒适，今日谂住经过就试下。但原来食评唔一定系准。等左唔够5分钟就入座，前面有1个人就安排1张枱，我1个人就安排坐大枱同人搭枱。仲要系见到好几枱都系1个人坐一张枱。一系你就问人愿唔愿搭枱先俾人入座，一系你就门口写到明会搭枱，点解要咁唔公平先。你见lunch多人想番多d枱的话就谂下点安排入座。唔系左搭右搭，你卖紧唔系酒楼茶餐厅服务，系日式餐厅，理应系休闲舒适？等候野食个阵，仲见到隔离客人未食完野，放低叉一阵，已经有侍应冲过黎问”系咪食完，帮你收走“。感觉上好似想个客你食完就走喇咁。食物黎到，见到对面客人叫同样的红酒牛面肉蛋包饭，我的就切好上枱淋好多汁，人地就上枱先切再淋汁，唔明点解待遇唔一样。因为我一个人去食饭？所以要快快手？蛋包假本身抱好大期望，但原来推介的未必一定好食，牛面肉劲多脂肪，仲要一旧旧咁上，真系好奇餐牌上的蛋包饭漫画系画紧边一款饭？食左一半就唔想要食。咖啡味道同香味都okay。原本仲想试布甸，但见要同人搭枱，个蛋包饭又会咁上枱，所以我都唔想再食。很可惜地餐厅明明想制造日式风格俾人打卡，卖紧日式咖啡厅的价钱，但俾茶餐厅的服务及食物质素。