台軒 (We Go Mall) (已結業)

星期日1pm左右时间 见间嘢无乜人 贪方便入咗嚟食 恶梦嘅开始入到嚟无人serve 自己揾个位坐 tick好点餐纸就交比侍应 侍应收过纸后 好大力一嘢啪返张纸落台 面带不耐烦咁话我哋tick错咗 星期日无呢啲餐 第一次个感觉开始觉得有啲不妙 但毕竟系我哋剔错 咁由佢啦 再拣过 咁佢就继续黑住面咁收返张纸我哋叫咗碗盐酥猪扒粗面蕃茄牛骨汤底同一碗脆鸡粗面猪骨汤底再加杯香芋奶茶（冻）等咗阵 佢上咗杯热嘅香芋奶茶 咁我哋都好有礼貌咁同佢讲 唔该 我地叫𠮶杯冻饮嚟架 可唔可以转返？ 咁佢一手收起杯嘢 仲整泻咗啲喺台面 咩料 其实当时人流都唔多 睇佢都唔系好忙 洗唔洗咁躁底 嘢食都未到就受晒佢气讲返啲嘢食 蕃茄牛骨汤同猪骨汤系接近 完 全 无 味！ 啲面好似用水滚咁 面身好薄好林 零口感 个罗白就ok嘅 甜口 炸猪同鸡就正常偏厚粉 无咩意见 份量方面都够嘅就 女仔食就可能食唔晒杯香芋奶茶 好多碎冰 不过我哋无叫走/少冰嘅系 但杯嘢饮同汤底一样 接近完全无味 饮紧水咁 好难饮总结返 嘢食整体唔合格 面 汤底 嘢饮难食难饮 份量ok 态度奇差 特别短头发𠮶个女侍应 我有留意佢对其他客人 一样都系西态