Chotto Maki (利源西街) (已結業)

今日去开港岛区行山，于是乎就拣咗呢间食卷物嘅Chotto Maki。之前一路都好想食呢间，因为有朋友介绍话呢间嘅卷物十分出色，除咗餐厅预设嘅大小卷物之外，仲可以自己因应个人喜好去整属于自己口味嘅卷物，当中除咗可以拣酱汁之外，仲可以自选肉类、蔬菜、脆脆等，好适合一啲腌尖嘅朋友。一场黎到，冇理由唔自己整返个卷物食，我同女朋友首先就拣咗个鳗鱼，芦笋、牛油果、松露蛋黄酱加黑芝麻酱。佢嘅酱汁很出色，浓郁嘅黑松露十分惹味。成个配搭连埋樱花虾嘅脆口，口感同味道都一流。另外再叫咗带子吞拿鱼细卷物，配合黑芝麻酱，整体出嚟有意外嘅惊喜。仲有佢嘅牛油果三文鱼软芝士细卷物，熟度刚好嘅牛油果，配合软绵绵嘅软芝士，再加上三文鱼嘅鲜味，将所有食物嘅味道推上一个更高嘅层次。今次食得好满意，下次行山都会嚟呢间度食完再出发咁一定有一个美好嘅开始。