炊豕店 (加路連山道) (已結業)

铜锣湾区㖞，人均消费如果系上楼食嘅话，分分钟系百零$200先落到楼。 今日，就比我同我朋友揾到铜锣湾区一间隐世美食。呢条巷望入去，就剩系得一间铺头要排长龙，唔使问，梗系试𠮶间啦。排排下先知原来呢间铺头一啲都唔贵㗎㖞， 50呢蚊就可以食到一个饭或者面。原来呢间铺头主要嘅菜式都系食猪嘅，入得去嘅人都要食人哋全家，惨惨。我哋两个人，叫咗话梅花雕猪手捞幼面，同卤水鸡翼。佢份量非常足，两个女仔食一个面都已经好饱。讲返猪手，我最憎好林𠮶啲猪手，点知呢间铺头嘅猪手好爽口，仲有烟烟韧韧嘅筋位，完全就系我钟意嘅猪手啦！另外佢个面上面加咗好多炸蒜俾你捞，个幼面又好食，捞埋一齐真系好邪恶！ （食咗先讲，减肥后话）另外就系佢个卤水鸡翼，好大只，好入味。不过如果我真系要挑剔嘅话，我想佢卤嘅时候，落多少少糖咁就更啱我口味。事关我都系煮嘢食㗎，哈哈哈。不过其实佢啲卤水鸡翼已经比出面好多餐厅好食好多。你间铺头真心会返嚟再食，下次再食其他嘢。