王朝潮順館 (得寶商場)

营业中

休息中

黎呢間潮順館食過幾次晏就，餐點配熱飲/例湯，五，六十蚊都有交易。餐牌都會定期有更新，可以試唔同既款，之前都有食過羊腩煲之類嘅特色菜。而一d 靚菜式午市都食到，就好似今日試既雞湯翅配白飯，唔洗加一，$88就有交易。本身對呢個價錢冇咩特別期望，不過上菜嘅時候都幾有驚喜。第一次食雞湯翅，湯底金黃色，好濃稠，有d 黏黏地嘅感覺，唔會話好鹹，配料方面有一大塊翅既物體（唔sure 係咩物種），食落一梳一梳，都幾入味，而雞肉就有兩件。第一次食類似嘅菜式，冇得比較，但都值得一試既。另外叫咗個蘿蔔炆牛腩煲，湯汁好餸飯，調味適中。蘿蔔入味，牛腩份量都幾多，炆得夠腍。覺得佢啲煲類菜式都煮得幾好，滷水飯有試過，不過就普普通通。推薦午市黎食，平靚正。