更多
2025-01-23
248 浏览
老朋友外地返港飯聚,食家朋友喺「王朝潮順館」安排好八人菜單。呢間都幫襯過好多次,潮州打冷、打邊爐、雞煲同小菜,無論幾個人或者同一大班朋友都好啱食。本灣大左口魚(兩食)購自西貢碼頭艇仔檔 $400/ 1條(約3斤半) ❖ (一食) 左口魚刺身食家朋友到西貢碼頭揀靚魚,而家大左口當造,買條帶過嚟加工。一上枱成條左口魚曬冷咁棟喺度,夠晒睇頭,一遍白雪雪刺身晶瑩剔透,魚身切成薄片,刀工了得。左口魚味道屬於清淡,口感彈牙有嚼勁,配泰式酸汁清新提鮮。❖ (二食) 椒鹽魚頭魚骨食完刺身,就將魚頭魚尾連魚骨用椒鹽炸,外炸得香脆,魚骨都可以食埋,原來都仲有好多肉,魚肉嫩滑熱辣辣,配大量炸蒜辣椒,香口惹味。❖ 膏蟹蒸手剁肉餅 (2份) $936兩隻膏蟹好新鮮,爆滿蟹膏,蟹肉實淨鮮甜。肉餅因為係新鮮手剁,質地鬆化有肉汁,唔會死實實,加咗馬蹄同少少鹹魚,增加口感更提鮮。將蟹蓋啲蟹膏撈落啲肉餅度,蟹膏甘香味滲晒入肉餅,加埋啲肉汁撈飯食,啖啖充滿蛋黃質地嘅蟹膏,簡直返唔到轉頭。❖ 薑蔥龍蝦煎腸粉 $928呢個腸粉真係好招積,兩隻大龍蝦,新鮮肉厚彈牙,用大量薑蔥爆炒,薑蔥汁充滿龍蝦精華,煎腸粉墊底,兩面煎得焦香,口
左口魚刺身
6 浏览
0 赞好
0 留言
購自西貢碼頭艇仔檔 $400/ 1條(約3斤半)
❖ (一食) 左口魚刺身
食家朋友到西貢碼頭揀靚魚,而家大左口當造,買條帶過嚟加工。一上枱成條左口魚曬冷咁棟喺度,夠晒睇頭,一遍白雪雪刺身晶瑩剔透,魚身切成薄片,刀工了得。左口魚味道屬於清淡,口感彈牙有嚼勁,配泰式酸汁清新提鮮。
椒鹽魚頭魚骨
0 浏览
0 赞好
0 留言
食完刺身,就將魚頭魚尾連魚骨用椒鹽炸,外炸得香脆,魚骨都可以食埋,原來都仲有好多肉,魚肉嫩滑熱辣辣,配大量炸蒜辣椒,香口惹味。
膏蟹蒸手剁肉餅
0 浏览
0 赞好
0 留言
兩隻膏蟹好新鮮,爆滿蟹膏,蟹肉實淨鮮甜。肉餅因為係新鮮手剁,質地鬆化有肉汁,唔會死實實,加咗馬蹄同少少鹹魚,增加口感更提鮮。將蟹蓋啲蟹膏撈落啲肉餅度,蟹膏甘香味滲晒入肉餅,加埋啲肉汁撈飯食,啖啖充滿蛋黃質地嘅蟹膏,簡直返唔到轉頭。
薑蔥龍蝦煎腸粉
56 浏览
0 赞好
0 留言
呢個腸粉真係好招積,兩隻大龍蝦,新鮮肉厚彈牙,用大量薑蔥爆炒,薑蔥汁充滿龍蝦精華,煎腸粉墊底,兩面煎得焦香,口感煙韌,索晒啲汁嚟食勁鮮味。
黑蒜花膠湯
0 浏览
0 赞好
0 留言
湯料十足,有雞同排骨去煲,花膠大隻,黑蒜溶晒入湯,好清又唔膩,入口順喉,香濃又帶點甜。
薑蔥豬什
7 浏览
0 赞好
0 留言
好有鑊氣,採用新鮮豬什,味道同口感真係會食得出,完全無腥羶味,生腸爽脆到無朋友,粉腸夠晒粉,豬肚彈牙有嚼勁,豬膶鮮嫩,醬油味香濃。
啤酒鵝
12 浏览
0 赞好
0 留言
用Gas爐上枱滾住食,成份鵝下莊份量十足,用啤酒同香料去煮,鵝肉融入咗啤酒味道,又帶點香辣,好鍾意食鵝掌同鵝翼。
白灼鮮墨魚
0 浏览
0 赞好
0 留言
購自西貢碼頭艇仔檔 $80 (2條)
❖ 白灼鮮墨魚
西貢針墨當造,差唔多全部艇仔檔都有得賣,新鮮嘅墨魚簡單白灼已經好鮮甜,口感爽彈,尤其旗位置特別爽脆,用芽菜墊底更清爽。
0 浏览
0 赞好
0 留言
地址:九龍灣牛頭角道3號得寶商場地下A7號舖
张贴