德美壽司

营业中

休息中

睇食评，见好多人都盛赞德美寿司🍣，但我次次食完都觉得只系中规中矩，所以就俾多次机会，再去试下。一入到黎，你都未叫野食，职员已经好快手俾杯热茶🍵、沙律🥗、面豉汤同埋茶碗蒸🍲，沙律菜🥗都尚算新鲜，茶碗蒸🍲亦正常发挥，蛋算滑，有一般配料，如蟹柳，鸡肉，冬菇等，通常主菜未黎，你已经饱左一半。今次我就叫左豚软骨石锅饭🐖，如图中所见，有只温泉蛋🍳系中间，好满足，不得不赞，呢度猪软骨🐖都算林身，坊间好多猪软骨既软骨都仲系好硬，萝白都入味，入口即溶，完全冇渣，但败笔既系，味道较淡，唔系好食得出个酱汁系咩味，要落D七味粉吊下味，虽然系石锅饭，但完全冇饭焦香味，饭比较湿笠笠。总括而言，我会形容呢间系中规中矩既日本餐厅，有一定质素，但绝对唔好神级，不要抱太高期望。