影片
更多
2023-01-24
1959 浏览
有咩食睇其他人都有讲我唔多叙述啦我分享下体验同应受首先见佢原本398食牛扒咁抵我以为佢系行outback个种美式西餐路线，点知最后系质素似outback价钱就fine dine价。入到去得drink menu睇唔明点叫野食谂左阵佢就过嚟问饮咩，前前后后问左三次好似催你同迫你饮野咁，咁都唔紧要嘅见佢侍应个个鬼佬环境又唔错（但系好多人坐得好迫）咪叫左两杯野。之后成个过程都好似赶收工咁极速上包同沙律，味道不过不失啦唔太差嘅。然后又极速上埋个牛排，老实讲牛排系好食嘅，然后佢个特制source都唔错。但系佢比左劲多薯条，然后每过5-10分钟过黎问一次洗唔洗加薯条重点系我盘薯条仲有起码一半，系咪可以睇下个客系咪有需要呢？同埋我都讲左饱几次都仲问有啲烦，如果我食outback/ruby Tuesday个啲2 3百蚊我觉得冇咩野，但系最后一个set叫多杯酒收我6旧水（cancel左件蛋糕唔系最后700几）嘅餐厅我会觉得服务上差紧啲啰。啲薯条多到比我感觉似成个set其实冇咩野食想用薯条塞饱你嘅feel，最后我又唔想浪费食晒成盘薯条（我已经冇加）。事实上个set都真系唔多野：沙律菜少；牛排如果以成个set
首先见佢原本398食牛扒咁抵我以为佢系行outback个种美式西餐路线，点知最后系质素似outback价钱就fine dine价。
入到去得drink menu睇唔明点叫野食谂左阵佢就过嚟问饮咩，前前后后问左三次好似催你同迫你饮野咁，咁都唔紧要嘅见佢侍应个个鬼佬环境又唔错（但系好多人坐得好迫）咪叫左两杯野。
之后成个过程都好似赶收工咁极速上包同沙律，味道不过不失啦唔太差嘅。
然后又极速上埋个牛排，老实讲牛排系好食嘅，然后佢个特制source都唔错。但系佢比左劲多薯条，然后每过5-10分钟过黎问一次洗唔洗加薯条重点系我盘薯条仲有起码一半，系咪可以睇下个客系咪有需要呢？同埋我都讲左饱几次都仲问有啲烦，如果我食outback/ruby Tuesday个啲2 3百蚊我觉得冇咩野，但系最后一个set叫多杯酒收我6旧水（cancel左件蛋糕唔系最后700几）嘅餐厅我会觉得服务上差紧啲啰。
啲薯条多到比我感觉似成个set其实冇咩野食想用薯条塞饱你嘅feel，最后我又唔想浪费食晒成盘薯条（我已经冇加）。事实上个set都真系唔多野：沙律菜少；牛排如果以成个set冇咩其他course嘅话份量都几少。重要啲薯条系唔好食似高级版m记薯条，冇薯味得个脆字，我谂唔会有人觉得薯条脆就好食挂。
然后块排都未食到一半佢就推左架蛋糕车出黎叫我地拣蛋糕，佢系介绍完4/5件蛋糕之后问我地要边件，咁我咪拣啰因为我上网睇啲人个set好似都包埋甜品（系我冇做足功课），点知我拣完之后佢同我讲我个set系唔包我个下反应唔切戆居居咁咪答ok啰。之后我问另一个侍应每件蛋糕120蚊（事后睇返上件8月只系70几洗唔洗加得咁快啊），咁见都好饱间野又唔系特别高质就同佢讲唔洗件cake啦（佢叫我拣完系推走左架车冇摆低任何野嫁，所以我之后先会讲唔要）。同佢讲：之前拣左两件cake但系而家饱啦可唔可以取消点知佢继续问我要唔要打包件蛋糕返屋企食，大佬你sales有佣收？虽然佢最后都冇迫我要个两件蛋糕但系正常我件蛋糕未食过又冇落枱饱仲点会专登叫件蛋糕外卖走。
蛋糕唔写清楚几钱咁样叫我拣蛋糕，最后又叫我外卖拎走继续想我order，成间餐厅好有美容院sell疗程咁。
最后佢仲送左张下次送三只鸡翼嘅coupon，令我对佢嘅感觉更多件收贵好多版嘅Ruby Tuesday。
张贴
