新記冰室

营业中

休息中

我咁钟意食芝士，而新记芝士面又驰名已久，我居然咁多年嚟一次都冇食过，而家谂返起，真系有啲匪夷所思🤔。据闻香槟大厦本店近年水准下滑，今次抱住撑黄店，姑且一试嘅心态嚟到荃湾分店，估唔到非常有惊喜。惊喜之一嚟自店入面嘅文宣：两边墙壁贴满手绘图画，仲包埋包书胶，当中好多都画得好靓好有心思，部份更估计系出自小朋友手笔。逐幅逐幅欣赏，心情其实系有啲澎湃。惊喜之二当然系嚟自芝士面，叫咗个芝士汁猪颈肉煎蛋捞公仔面，一睇见碗嘢嘅金黄色酱汁就已经好有信心，食落口，芝士味果然超浓，系我喺香港食过暂时最好食嘅😋，捞埋猪颈肉，煎蛋同公仔面一齐食，滋味无穷。另外又叫咗个卜卜蚬汤日式乌冬，蚬仔虽然唔算大只，但系好新鲜，有蚬味，汤底亦清甜，唔错👍。