天海 (已結業)

唔知点解一直对天妇罗都冇咩好感，今日lunch朋友话想去呢间试吓，我本身都冇抱有太大嘅期望。.因为餐厅比较细嘅关系，建议大家食lunch嘅话记住要12点前到，咁样就可以唔使等位，夏天热辣辣喺室外等位真系搞唔掂。.记得果籽之前好似介绍过呢间餐厅，系介绍食海鲜天丼，所以坐低嘅时候我谂都冇谂就决定叫佢。.一嗌完嘢食，佢就会即刻比杯绿茶，仲有个前菜。主角终于到啦，海鲜天丼，即叫即炸。一开始见到觉得份量好似有啲细会唔会唔够饱㗎。印象中佢有炸鱼、炸鱿鱼、炸虾、炸带子、炸四季豆同埋炸蛋。我最钟意就系笃穿个炸蛋、用蛋黄捞饭。因为佢本身就已经加咗酱汁喺天妇罗上面，所以唔需要额外点汁。呢个天妇罗不得了，咬落脆口，同埋个汁调得啱啱好，海鲜又好新鲜，呢个配搭我比一百分，最后我仲食唔晒啲饭添。